Regulation No. 338 dated 4.5.2011 supplementing Regulation No. 655 dated 28.7.2010 on the rules and procedures of transferring the land resources categories

VENDIM Nr.338, datë 4.5.2011 PËR NJË SHTESË NË VENDIMIN NR.655, DATË 28.7.2010 TË KËSHILLIT TË MINISTRAVE “PËR RREGULLAT DHE PROCEDURAT E NDRYSHIMIT TË KATEGORIVE TË RESURSEVE TË TOKËS” Në mbështetje të nenit 100 të Kushtetutës dhe të nenit 11/1 të ligjit nr.8752, datë 26.3.2001 “Për krijimin dhe funksionimin e strukturave për administrimin dhe mbrojtjen e tokës”, të ndryshuar, me propozimin e Ministrit të Bujqësisë, Ushqimit dhe Mbrojtjes së Konsumatorit, Këshilli i Ministrave VENDOSI: 1. Pas pikës 6 të kreut III të vendimit nr.655, datë 28.7.2010 të Këshillit të Ministrave, të shtohet pika 7, me këtë përmbajtje: “7. Në rastin kur sipërfaqet e tokave të kategorive të resurseve pyll, tokë pyjore, kullotë dhe livadh mbillen me pemëtore, vreshta dhe ullishte, subjektet e përcaktuara në pikën 2 të kreut I të këtij vendimi, mund t’i realizojnë procedurat e përcaktuara nga pikat 1 deri në 6 të këtij kreu, edhe pas mbjelljes së këtyre sipërfaqeve.”. Ky vendim hyn në fuqi pas botimit në Fletoren Zyrtare. KRYEMINISTRI Sali Berisha