Regulation No.260 laying down the rules and procedure for samples’ testing, reporting on the results, and results’ assessment

VENDIM Nr. 260, datë 27.3.2013 PËR CAKTIMIN E RREGULLAVE PËR KONTROLLIN, MARRJEN E MOSTRAVE, ANALIZAVE E TË PROCEDURAVE, DHËNIEN E REZULTATEVE TË TYRE, SI DHE VLERËSIMIN E ANALIZAVE TË PLEHRAVE1 Në mbështetje të nenit 100 të Kushtetutës dhe të nenit 22 të ligjit nr. 10 390, datë 3.3.2011 “Për plehrat e përdorimit për bimësinë”, me propozimin e Ministrit të Bujqësisë, Ushqimit dhe Mbrojtjes së Konsumatorit, Këshilli i Ministrave VENDOSI: I. TË PËRGJITHSHME DHE PËRKUFIZIME 1. Qëllimi i këtij vendimi është përcaktimi i rregullave për: a) kryerjen e kontrollit zyrtar dhe të procedurave të marrjes së mostrës së plehrave; b) kryerjen e analizave për verifikimin e treguesve cilësorë të deklaruar në certifikatën e analizës e të origjinës; c) dhënien e rezultateve të analizave dhe vlerësimin e tyre. 2. Të gjithë termat e përcaktuar në ligjin nr. 10 390, datë 3.3.2011 “Për plehrat e përdorimit për bimësinë”, kanë të njëjtin kuptim edhe në këtë vendim, ndërsa me termat e mëposhtëm do të kuptohen: a) “Gjurmim”, ndjekja e plehut gjatë gjithë fazave të përshkuara, që nga prodhimi deri në vendosjen e tij në treg, nëpërmjet procedurës së ruajtjes së informacionit të përmbajtur në dokumentacionin shoqërues; b) “Etiketa e mostrës”, modeli i shkruar, që plotësohet nga inspektori me të dhënat që kërkohen për identifikimin e mostrës për kryerjen e analizave zyrtare; c) “Kod identifikimi”, një numër që vendoset nga inspektori për të ruajtur identitetin e prodhuesit; ç) “Format e përbërjes së plehrave”, forma të përbërjes kimike të çdo elementi ushqyes të deklaruara dhe të paraqitura në etiketën e paketimit, certifikatën e origjinës ose dokumentet origjinale shoqëruese të plehut. II. KONTROLLI, MARRJA DHE DORËZIMI I MOSTRËS A. Rregulla të përgjithshme për kontrollin dhe marrjen e mostrave 1. Kontrolli dhe marrja e mostrave për analizimin e plehut bëhet nga inspektori, i cili, gjatë ushtrimit të detyrës së tij, identifikohet me kartën e inspektorit, të lëshuar në përputhje me ligjin për inspektimin. 2. Inspektori merr mostrën e plehrave me vendosjen në treg të tyre, në të gjitha rastet kur mendon se ka tjetërsim, ndryshim të vetive fiziko-kimike të tyre. 1 Pjesërisht e përputhshme me Rregulloren e Bashkimit Evropian 2003/2003 “Për plehrat”, e Parlamentit dhe Këshillit, datë 13 tetor 2003. Numri Celex. 32003 R 2003, Fletorja Zyrtare nr. 304, datë 21.11.2003, faqe 0001-0194. 3. Inspektori gjykon dhe vendos për treguesit cilësorë, të cilët do t’u nënshtrohen analizave që do të kryhen në laboratorët e miratuar. B. Marrja dhe dorëzimi i mostrës 1. Marrja e mostrave për analizim, si dhe metodologjia e llogaritjes së shpenzimeve kryhet sipas përcaktimit të dhënë në nenin 38 të ligjit nr. 10 433, datë 16.6.2011 “Për inspektimin në Republikën e Shqipërisë”. 2. Procedurat e hollësishme për marrjen dhe trajtimin e mostrave të plehrave bëhen sipas metodikave të përcaktuara në standardet përkatëse të adoptuara nga Drejtoria e Përgjithshme e Standardeve. 3. Përgatitja e mostrës bëhet si më poshtë vijon: a) Inspektori merr tri mostra; b) Mostrat vendosen në mbajtëse plastike. Secila mostër e marrë vendoset në një mbajtëse tjetër të dytë plastike. Ndërmjet mbajtëses së parë dhe asaj të dytë vendoset etiketat e mostrës, që plotësohet nga inspektori, sipas përcaktimit të shtojcës 2 të këtij vendimi. Në prani të prodhuesit, mbajtëset plastike mbyllen dhe plumbosen në mënyrë të tillë, që hapja e tyre të çojë në dëmtimin e pandreqshëm të plumbosjes; c) Për të ruajtur anonimatin e mostrës, inspektori vendos një kod identifikimi tek etiketa. Ky kod identifikimi i përket prodhuesit të plehut dhe regjistrohet nga inspektori duke u mbajtur i fshehtë deri në kthimin e përgjigjes së analizave zyrtare; ç) Prishja e plumbosjes së mostrës bëhet në momentin e dorëzimit në laborator, në prani të inspektorit dhe marrësit në dorëzim; d) Çdo mostër shoqërohet me procesverbal inspektimi, sipas përcaktimit të dhënë në shtojcën 1 të këtij vendimi. Procesverbali i inspektimit, mbahet në momentin e marrjes së mostrës dhe në prani të prodhuesit ose përfaqësuesit të tij; dh) Mostra për analizat e përbërësve cilësorë të plehut regjistrohet në protokollin e marrjes në dorëzim të mostrave, të përcaktuar në shtojcën 3 të këtij vendimi. 4. Dorëzimi i mostrës bëhet si më poshtë vijon: a) inspektori dorëzon njërën nga tri mostrat në laboratorin e miratuar brenda 3 (tre) ditëve nga momenti i marrjes së saj, në mënyrë që të mos ketë ndikim në ndryshimin e vetive fiziko-kimike të mostrës; b) mostra e dytë ruhet nga inspektori derisa të përfundojnë procedurat e verifikimit dhe ballafaqimit të rezultateve të analizave të kërkuara prej tij; c) mostra e tretë mbahet nga prodhuesi, për ankim ose jo të rezultateve të analizave. III. ANALIZAT DHE PROCEDURAT 1. Analizat e plehrave, si dhe procedurat laboratorike bëhen sipas metodikave të përcaktuara në standardet përkatëse, të adoptuara nga Drejtoria e Përgjithshme e Standardeve. 2. Pas përfundimit të analizave, rezultatet e tyre regjistrohen në dy mënyra: a) manuale, në regjistrat e laboratorit; b) kompjuterike, nga përgjegjësi i laboratorit te plotësimi i fletanalizës, sipas përcaktimit të dhënë në shtojcën 4 të këtij vendimi. 3. Fletanaliza me të dhënat e rezultateve plotësohet në tri kopje, sipas kërkesave të inspektorit, të përcaktuar në procesverbalin e inspektimit. Secila kopje firmoset nga analizuesi, përgjegjësi i laboratorit dhe titullari. IV. REZULTATET E ANALIZAVE LABORATORIKE A. Dhënia e rezultateve të analizave 1. Rezultati përfundimtar i analizave për plehrat dorëzohet sipas afatit të përcaktuar në pikën 1 të nenit 21 të ligjit nr. 10 390, datë 3.3.2011. 2. Një kopje e fletanalizës, sipas pikës 3 të kreut III, ruhet në laboratorin ku janë kryer analizat, kopja e dytë ruhet në arkivin e institucionit ku bën pjesë laboratori dhe kopja e tretë i dorëzohet inspektorit. 3. Dokumentacioni përkatës që shoqëron mostrën dhe analizat, ruhet në laborator për një afat kohor deri në një vit dhe pastaj arkivohet. B. Vlerësimi i rezultateve të analizave 1. Vlerësimi i përputhshmërisë me përshtatshmërinë e llojeve të plehrave, si dhe me përmbajtjen e deklaruar të ushqyesve dhe/ose përmbajtjen e deklaruar të formave apo të tretshmërisë së këtyre ushqyesve, kryhet nga inspektori, në këtë mënyrë: a) vlerësohen plehrat, në bazë të ballafaqimit të rezultateve të analizave të kryera për mostrën, sipas kërkesave të bëra, me treguesit e deklaruar në etiketë ose në certifikatën e analizave e të origjinës; b) vlerësohet nëse një pleh është me mungesa në përmbajtjen e elementeve ushqyese ose përmban elemente të dëmshme për njerëzit, kafshët dhe mjedisin; c) brenda katër ditëve nga dita e marrjes së përgjigjes së analizave, inspektori njofton prodhuesin në mënyrë elektronike, për vlerësimin e rezultateve dhe, më pas, i dorëzon kopjen e rezultateve të analizave. 2. Kur të dhënat e specifikuara në certifikatën e analizës e të origjinës së plehut, nuk përputhen me analizat laboratorike, veprohet sipas nenit 7 të ligjit nr. 10 390, datë 3.3.2011. 3. Kur një prodhues nuk është dakord me rezultatet e analizave, brenda një afati kohor prej 5 (pesë) ditësh bëhet ballafaqimi me laboratorin që ka kryer analizat. Edhe pas ballafaqimit me laboratorin, nëse prodhuesi përsëri nuk është dakord me rezultatet e analizave, atëherë ato kryhen në laboratorin e referencës, të përcaktuar në nenin 17 të ligjit nr. 10 390, datë 3.3.2011. 4. Për të siguruar gjurmimin e plehrave të vendosura në treg, përfshirë edhe nitratin e amonit me përmbajtje të lartë azoti, prodhuesi duhet të ruajë emrat dhe adresat e vendeve ku është prodhuar plehu, si dhe të dhënat e certifikatës së origjinës e të analizave, të përcaktuara sipas etiketës. Këto të dhëna janë objekt inspektimi, për sa kohë që plehu vendoset në treg, si dhe për një periudhë prej 2 vitesh, pas përfundimit të vendosjes në treg të këtij plehu nga prodhuesi. V. DISPOZITA TË FUNDIT 1. Autoriteti Kombëtar i Ushqimit, përgjegjës për marrjen e mostrave, si dhe laboratorët e akredituar e të miratuar për kryerjen e analizave të plehut, të mbajnë lidhje të vazhdueshme me Drejtorinë e Përgjithshme të Standardizimit, për njohjen e metodave të adaptuara dhe të miratuara prej saj, bazuar në ligjin nr. 9870, datë 4.2.2008 “Për standardizimin”. 2. Ngarkohen Ministria e Bujqësisë, Ushqimit dhe Mbrojtjes së Konsumatorit, Autoriteti Kombëtar i Ushqimit dhe laboratorët e miratuar për zbatimin e këtij vendimi. Ky vendim hyn në fuqi pas botimit në Fletoren Zyrtare. KRYEMINISTRI Sali Berisha Shtojca 1 REPUBLIKA E SHQIPËRISË MINISTRIA E BUJQËSISË, USHQIMIT DHE MBROJTJES SE KONSUMATORIT AUTORITETI KOMBËTAR I USHQIMIT Nr. Date / /2013 Drejtoria Rajonale e Autoritetit Kombëtar te Ushqimit Qarku ............................. PROCES - VERBAL INSPEKTIMI Ne zbatim te ligjit nr.10390, date 03.03.2011, "Për plehrat e përdorimit për bimësinë", ligjit nr. 10433, date 16.6.2011 "Për inspektimin ne Republikën e Shqipërisë", ligjit nr. 9863, date 28.01.2008 "Për ushqimin", si dhe ne VKM nr , date "Rregullat për kontrollin, marrjen e mostrave, analizat e procedurat, dhënia e rezultateve te tyre si dhe vlerësimi i analizave te plehrave ", gjate kontrollit u konstatua: 1 ............................................................................................................................................ 2 ............................................................................................................................................ 3. Mora mostër për analiza te cilësisë se plehut ................................................................... Kodi i subjektit prodhues ( .............................................................. ) ( Ky kod nuk vendoset ne proces-verbalin e inspektimit qe dorëzohet dhe ruhet tek prodhuesi) Mora gjithsej 3 (tre) mostra dhe do te kryej këto analiza: Lloji i analizave qe kryhen do t'i përmbahet te dhënave sipas etiketës te vendosur ne paketimin e plehrave ose certifikatën e origjinës si dhe dokumenteve origjinale shoqëruese. Analizat kryhen ne laboratorin e miratuar : .......................................................................... Analiza kimike....................................................................................................................... Karakteristikat cilësore (ngjyra, përbërja granulore, kristalore, pluhur dhe i lëngshëm ose forma te tjera)............................................................................................................................ Bazuar ne sa me lart vendosa: ................................................................................................ (Ky proces-verbal inspektimi mbahet ne tre kopje. Njëra kopje i dorëzohet prodhuesit, një e merr inspektori dhe kopja e trete, dorëzohet ne laboratorin e analizave. Ne proces-verbalin e inspektimit qe shoqëron mostrën për analiza, nuk vendoset emri i prodhuesit ose subjekti, por vetëm firma e përfaqësuesit.) Prodhuesi ose Përfaqësuesi Inspektoret ( ....................................... ) ( ........................................................................... ) Shtojca 2 ETIKETA E MOSTRES SE PLEHRAVE 1. Kodi i prodhuesit 2. Emri i plehut. ( ............................................................. ) ( .............................................................. ) 3. Tipi i plehrave dhe forma e përbërjes 4. Data e marrjes se mostrës. ( ............................................................. ) ( ............................................................... ) 5. Adresa dhe nr. telefonik i Prodhuesit. 6. Adresa dhe nr. telefonik i Inspektorit ( ............................................................. ) ( ................................................................ ) 7. Qarku ............................................................................................................................................... 8. Numri i standardit qe është përdorur për marrjen e mostrës ............................................................. Ne etiken e mostrës qe dorëzohet lie laboratorin e miratuar për analiza, nuk shënohet, adresa dhe numri telefonik i prodhuesi. Ne etiketën e mostrës qe mban prodhuesi, nuk shënohet kodi i prodhuesit. Emri, mbiemri i inspektorit ( .............................................. ) Firma ,Vula ( ............................................... ) Shtojca nr. 3 LABORATORI I ANALIZAVE TE PLEHRAVE PROTOKOLLI I MARRJES NE DOREZIMIT TE MOSTRAVE TE PLEHRAVE Lista me nr ............ Date .................. 201.... Emri/ Mbiemri i inspektorit : ................................................................................................ Kodi i mostrës se dorëzuar ...................................................................................... Numri i mostrave .................................................................................................... Lloji i plehut ............................................................................................................ Tipi i plehut.............................................................................................................. Lloji i Analizave; ..................................................................................................... Dorëzuesi i mostrave Marrësi ne dorëzim ( .......................................... ) ( .................................... ) Numri i serisë se protokollit për dorëzimin e mostrave mbahet ne mënyrë progresive. Shtojca nr. 4 LABORATORII ANALIZAVE TE PLEHRAVE Nr prot. Date / /2013 FLETE - ANALIZE Mbështetur ne VKM nr ......... , date................... "Rregullat për kontrollin, marrjen e mostrave, analizat e procedurat, dhënia e rezultateve te' tyre si dhe vlerësimi i analizave te plehrave" rezulton: se: Sipas proces-verbalit te inspektimit, me inspektor z/znj Qarku ............................................ Kryem analizat laboratorike te plehut ...................................................................................... Dorëzuar me datën ............................................ me kodin .................................................... Treguesit e analizuar: Njësia matëse Rezultat e analizave 1 ............................................................................................................................ Analizuesi Përgjegjësi i Laboratorit Titullari