Regulation No. 125 amending Regulation 775 of 1996 on the establishment of the National Water Council

VENDIM Nr.125, datë 2.3.2006 PËR NJË NDRYSHIM NË VENDIMIN NR.775, DATË 28.10.1996 TË KËSHILLIT TË MINISTRAVE “PËR KRIJIMIN E KËSHILLIT KOMBËTAR TË UJIT”, TË NDRYSHUAR Në mbështetje të nenit 100 të Kushtetutës dhe të neneve 5 pika 2, dhe 72 të ligjit nr.8093, datë 21.3.1996 “Për rezervat ujore”, me propozimin e Ministrit të Mjedisit, Pyjeve dhe Administrimit të Ujërave, Këshilli i Ministrave VENDOSI: Pika 2 e vendimit nr.775, datë 28.10.1996 të Këshillit të Ministrave, të ndryshuar, të ndryshohet si më poshtë vijon: “2. Këshilli Kombëtar i Ujit (KKU) përbëhet nga 8 anëtarë, përkatësisht: Kryeministri kryetar, Ministri i Mjedisit, Pyjeve dhe Administrimit të Ujërave zëvendëskryetar, Ministri i Brendshëm anëtar, Ministri i Financave anëtar, Ministri i Ekonomisë, Tregtisë dhe Energjetikës anëtar, Ministri i Punëve Publike, Transportit dhe Telekomunikacionit anëtar, Ministri i Shëndetësisë anëtar, Ministri i Bujqësisë, Ushqimit dhe Mbrojtjes së Konsumatorit anëtar.”. Ky vendim hyn në fuqi pas botimit në Fletoren Zyrtare. KRYEMINISTRI Sali Berisha