Law No. 9626 supplementing Law No. 9072 of 2003 on the power sector

REPUBLIKA E SHQIPËRISË KUVENDI LIGJ Nr.9626, datë 16.10.2006 PËR DISA SHTESA NË LIGJIN NR.9072, DATË 22.5.2003 “PËR SEKTORIN E ENERGJISË ELEKTRIKE”, TË NDRYSHUAR Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave, KUVENDI I REPUBLIKËS SË SHQIPËRISË V E N D O S I: Në ligjin nr.9072, datë 22.5.2003 “Për sektorin e energjisë elektrike”, të ndryshuar, bëhen këto shtesa: Neni 1 Pas pikës 35 të nenit 2 shtohet pika 35/1 me këtë përmbajtje: “35/1. Shkëmbimi dhe shitja e energjisë elektrike, në kuptim të këtij ligji, është marrëdhënia juridike midis palëve, sipas dispozitave përkatëse të Kodit Civil.”. Neni 2 Pas shkronjës “k” të nenit 8 shtohet shkronja “l” me këtë përmbajtje: “1) miraton rregullat dhe procedurat, sipas të cilave bëhen shkëmbimi dhe shitja e energjisë elektrike te furnizuesit vendas e të huaj, kur e kërkon situata energjetike.”. Neni 3 Pas nenit 65 shtohet neni 65/1 me këtë përmbajtje: “Neni 65/1 Enti Rregullator i Sektorit të Energjisë Elektrike, brenda 3 muajve nga hyrja në fuqi e këtij ligji, miraton rregullat dhe procedurat, sipas të cilave bëhen shkëmbimi dhe shitja e energjisë elektrike për shoqëritë publike që kryejnë këto veprime.”. Neni 4 Ky ligj hyn në fuqi 15 ditë pas botimit në Fletoren Zyrtare. KRYETARE Jozefina Topalli (Çoba)