Law No. 73/2013 amending and supplementing Law No. 9441 of 2005 on the production, storage, processing and marketing of milk and dairy products

LIGJ Nr. 73/2013 PËR DISA NDRYSHIME DHE SHTESA NË LIGJIN NR. 9441, DATË 11.11.2005 “PËR PRODHIMIN, GRUMBULLIMIN, PËRPUNIMIN DHE TREGTIMIN E QUMËSHTIT DHE TË PRODUKTEVE ME BAZË QUMËSHTI”, TË NDRYSHUAR Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave, KUVENDI I REPUBLIKËS SË SHQIPËRISË VENDOSI: Në ligjin nr. 9441, datë 11.11.2005 “Për prodhimin, grumbullimin, përpunimin dhe tregtimin e qumështit dhe të produkteve me bazë qumështi”, të ndryshuar, bëhen këto ndryshime dhe shtesa: Neni 1 Në të gjithë ligjin emërtimi: a) “Inspektorati Veterinar” zëvendësohet me emërtimin “Autoriteti Kombëtar i Ushqimit”; b) “Inspektorati i Ushqimit” zëvendësohet në të gjithë tekstin me emërtimin “Autoriteti Kombëtar i Ushqimit”. Neni 2 Në nenin 24, pas shkronjës “c” shtohet një paragraf me këtë përmbajtje: “Inspektimi nga Autoriteti Kombëtar i Ushqimit bëhet në përputhje me këtë ligj dhe ligjin nr. 10 433, datë 16.6.2011 “Për inspektimin në Republikën e Shqipërisë””. Neni 3 Në nenin 32, pas shkronjës “c” shtohet një paragraf me këtë përmbajtje: “Masa e gjobës është dënim kryesor.”. Neni 4 Dispozitë kalimtare Organi ekzistues inspektues vazhdon të ushtrojë funksionin e vet sipas organizimit aktual deri në krijimin e organit të ri, sikurse parashikohet në ndryshimet e bëra në këtë ligj. Neni 5 Ky ligj hyn në fuqi 15 ditë pas botimit në Fletoren Zyrtare. Miratuar në datën 14.2.2013 Shpallur me dekretin nr. 8032, datë 1.3.2013 të Presidentit të Republikës së Shqipërisë, Bujar Nishani