Law No. 63/2013 supplementing Law No. 8443 dated 21 January 1999 regulating viticulture, wine and other products originating from grape

LIGJ Nr. 63/2013 PËR DISA SHTESA NË LIGJIN NR. 8443, DATË 21.1.1999 “PËR VRESHTARINË, VERËN DHE PRODUKTET E TJERA QË RRJEDHIN NGA RRUSHI”, TË NDRYSHUAR Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave, KUVENDI I REPUBLIKËS SË SHQIPËRISË VENDOSI: Në ligjin nr. 8443, datë 21.1.1999 “Për vreshtarinë, verën dhe produktet e tjera që rrjedhin nga rrushi”, të ndryshuar, bëhen shtesat si më poshtë: Neni 1 Në nenin 33, pas shkronjës “e” shtohen dy paragrafë me këtë përmbajtje: “Masa administrative e gjobës është dënim kryesor, ndërsa masat e bllokimit dhe asgjësimit janë dënime plotësuese. Kundër vendimit të Inspektorit të Autoritetit Kombëtar të Ushqimit mund të bëhet ankim, në përputhje me ligjin nr. 10 433, datë 16.6.2011 “Për inspektimin në Republikën e Shqipërisë””. Neni 2 Dispozitë kalimtare Organi ekzistues inspektues vazhdon të ushtrojë funksionin e vet sipas organizimit aktual deri në krijimin e organit të ri, sikurse parashikohet në ndryshimet e bëra në këtë ligj. Neni 3 Ky ligj hyn në fuqi 15 ditë pas botimit në Fletoren Zyrtare. Miratuar në datën 14.2.2013 Shpallur me dekretin nr. 8022, datë 1.3.2013 të Presidentit të Republikës së Shqipërisë, Bujar Nishani