Decision No.444 dated 28.4.2010 amending the Decision No.289 of 2010 proclaiming Natural Park the natural maritime ecosystem at Sazan island and Karaburun peninsula

VENDIM Nr.444, datë 28.4.2010 PËR DISA NDRYSHIME NË VENDIMIN NR.289, DATË 28.4.2010 TË KËSHILLIT TË MINISTRAVE "PËR SHPALLJEN "PARK KOMBËTAR" TË EKOSISTEMIT NATYROR DETAR PRANË GADISHULLIT TË KARABURUNIT DHE ISHULLIT TË SAZANIT" Në mbështetje të nenit 100 të Kushtetutës dhe të neneve 4, pika 1, shkronja "b", 6 e 13 të ligjit nr.8906, datë 6.6.2002 "Për zonat e mbrojtura", të ndryshuar, me propozimin e Ministrit të Mjedisit, Pyjeve dhe Administrimit të Ujërave, Këshilli i Ministrave VENDOSI: Në vendimin nr.289, datë 28.4.2010 të Këshillit të Ministrave, bëhen këto ndryshime: 1. Në pikën 2 fjalët "...12 570.82 (dymbëdhjetë mijë e pesëqind e shtatëdhjetë pikë tetëdhjetë e dy) ha..." zëvendësohen me ".12 427.95 (dymbëdhjetë mijë e katërqind e njëzet e shtatë pikë nëntëdhjetë e pesë) ha...". 2. Në pikën 2.1 bëhen ndryshimet e mëposhtme: a) Në paragrafin e parë fjalët ".9 848.95 (nëntë mijë e tetëqind e dyzet e tetë pikë nëntëdhjetë e pesë) ha..." zëvendësohen me ".9 706.08 (nëntë mijë e shtatëqind e gjashtë pikë zero tetë) ha...". b) Shkronja "a" ndryshohet, si më poshtë vijon: "a. Veri: Pika 1 (në det), me largësi 1 milje detare (1 852m) nga Kepi i Gjuhëzës, me koordinata 4353018.48V e 4478005.72L, deri te pika "a", me koordinata 4354828.86V/4480135.43L, më pas vijon në mënyrë drejtvizore me pikën "b", me koordinata 4358373.04 V/4481423.68 L, vijon deri te pika 2 (në det), me largësi 1 milje detare (1 852 m) nga Kepi i Shën Vasilit, me koordinata 4363780.19V e 4477378.71L.". 3. Harta që përmendet në pikën 1, bashkëlidhur vendimit, zëvendësohet me hartën që i bashkëlidhet këtij vendimi. Ky vendim hyn në fuqi pas botimit në Fletoren Zyrtare. KRYEMINISTRI Sali Berisha